ਚੰਡੀਗੜ੍ਹ , 03 ਜੁਲਾਈ ( NRI MEDIA )

ਮਸ਼ਹੂਰ ਰੈਪਰ ਯੋਯੋ ਹਨੀ ਸਿੰਘ ਆਪਣੀ ਇਕ ਹਾਲੀਆ ਗਾਣੇ ਦੇ ਕਾਰਨ ਵਿਵਾਦਾਂ ਵਿਚ ਫਸਦੇ ਨਜ਼ਰ ਆ ਰਹੇ ਹਨ , ਖਬਰ ਹੈ ਕਿ ਹਨੀ ਸਿੰਘ ਦੀ ਇੱਕ ਗਾਣੇ ਬਾਰੇ ਪੰਜਾਬ ਪ੍ਰਦੇਸ਼ ਮਹਿਲਾ ਕਮਿਸ਼ਨ ਬਹੁਤ ਨਾਰਾਜ਼ ਹੈ , ਔਰਤਾਂ ਦੇ ਖਿਲ਼ਾਫ ਕਥਿਤ ਅਸ਼ਲੀਲ ਲਫ਼ਜ਼ਾਂ ਦੇ ਕਾਰਣ ਮਹਿਲਾ ਕਮਿਸ਼ਨ ਨੇ ਪੁਲਿਸ ਨੂੰ ਕੇਸ ਦਰਜ ਕਰਨ ਲਈ ਕਿਹਾ ਹੈ , ਇਸ ਵਾਰ ਮਹਿਲਾ ਕਮਿਸ਼ਨ ਹਨੀ ਸਿੰਘ ਉੱਤੇ ਕਾਫੀ ਸਖ਼ਤ ਨਜ਼ਰ ਆ ਰਿਹਾ ਹੈ |

ਰਾਜ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਮਨੀਸ਼ਾ ਗੁਲਾਟੀ ਨੇ ਇਸ ਮਾਮਲੇ ਉੱਤੇ ਇੱਕ ਚਿੱਠੀ ਲਿਖ ਕੇ ਹਨੀ ਸਿੰਘ ਦੇ ਵਿਰੁੱਧ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ , ਮਨੀਸ਼ਾ ਗੁਲਾਟੀ ਨੇ ਪੰਜਾਬ ਦੇ ਗ੍ਰਹਿ ਸਕੱਤਰ ਅਤੇ ਡੀਜੀਪੀ ਨੂੰ ਚਿੱਠੀ ਲਿਖੀ ਹੈ , ਇਸ ਬਾਰੇ ਮਨੀਸ਼ਾ ਗੁਲਾਟੀ ਨੇ ਨਿਊਜ ਏਜੰਸੀ ਪੀਟੀਆਈ ਨੂੰ ਦੱਸਿਆ ਕਿ ਅਸੀਂ ਪੁਲਿਸ ਨੂੰ ਕਿਹਾ ਹੈ ਕਿ ਉਹ ਮਖਣਾ ਗਾਣੇ ਵਿੱਚ ਔਰਤਾਂ ਲਈ ਅਸ਼ਲੀਲ ਸ਼ਬਦਾਂ ਨੂੰ ਇਸਤੇਮਾਲ ਕਰਨ ਦੇ ਮਾਮਲੇ ਉੱਤੇ ਗਾਇਕ ਦੇ ਖਿਲਾਫ ਐਫ ਆਈ ਆਰ ਦਰਜ ਕਰੇ |

ਮਹਿਲਾ ਕਮਿਸ਼ਨ ਨੇ ਇਹ ਵੀ ਕਿਹਾ ਹੈ ਕਿ ਇਸ ਮਾਮਲੇ ਵਿੱਚ 12 ਜੁਲਾਈ ਤੱਕ ਪੁਲਿਸ ਇੱਕ ਸਟੇਟਸ ਰਿਪੋਰਟ ਪੇਸ਼ ਕਰੇ , ਮਨੀਸ਼ਾ ਗੁਲਾਟੀ ਦੇ ਮੁਤਾਬਕ ਔਰਤਾਂ ਦੇ ਖਿਲਾਫ ਆਉਣ ਵਾਲੇ ਗਾਣਿਆਂ ਨੂੰ ਪੰਜਾਬ ਵਿੱਚ ਬੈਨ ਕੀਤਾ ਜਾਣਾ ਚਾਹੀਦਾ ਹੈ , ਇਹ ਗਾਣਾ ਦਸੰਬਰ 2018 ਰਿਲੀਜ਼ ਕੀਤਾ ਗਿਆ ਸੀ , ਇਸ ਗਾਣੇ ਨੂੰ ਹਨੀ ਸਿੰਘ ਅਤੇ ਨੇਹਾ ਕੱਕੜ ਨੇ ਗਿਆ ਸੀ ਅਤੇ ਟੀ-ਸੀਰੀਜ਼ ਦੇ ਯੂਟਿਊ ਚੈਨਲ ਉੱਤੇ ਇਸ ਨੂੰ ਰਿਲੀਜ਼ ਕੀਤਾ ਗਿਆ ਸੀ |