ਨਿਊਜ਼ ਡੈਸਕ (ਰਿੰਪੀ ਸ਼ਰਮਾ) : ਇੰਡੋਨੇਸ਼ੀਆ ਦੇ ਸੁਮਾਤਰਾ ਟਾਪੂ 'ਤੇ ਸੋਨੇ ਦੀ ਗੈਰ-ਕਾਨੂੰਨੀ ਮਾਈਨਿੰਗ ਮੁਹਿੰਮ ਦੌਰਾਨ ਜ਼ਮੀਨ ਖਿਸਕਣ ਕਾਰਨ 12 ਔਰਤਾਂ ਕਈ ਟਨ ਮਿੱਟੀ ਹੇਠਾਂ ਦੱਬ ਗਈਆਂ, ਜਿਨ੍ਹਾਂ ਦੀਆਂ ਲਾਸ਼ਾਂ ਨੂੰ ਬਚਾਅ ਟੀਮਾਂ ਨੇ ਕੱਢ ਲਿਆ। ਪੁਲਿਸ ਮੁਖੀ ਮਾਰਲੋਨ ਰਾਜਗੁਕਗੁਕ ਨੇ ਦੱਸਿਆ ਕਿ ਉੱਤਰੀ ਸੁਮਾਤਰਾ ਦੇ ਮਾਂਡਿੰਗ ਨਟਾਲ ਜ਼ਿਲ੍ਹੇ ਦੇ ਇੱਕ ਦੂਰ-ਦੁਰਾਡੇ ਪਿੰਡ ਵਿੱਚ ਇੱਕ ਛੋਟੀ ਤੇ ਅਣਅਧਿਕਾਰਤ ਸੋਨੇ ਦੀ ਖਾਨ ਵਿੱਚ ਲਗਭਗ 14 ਔਰਤਾਂ 2-ਮੀਟਰ ਡੂੰਘੇ ਟੋਏ ਵਿੱਚ ਸੋਨੇ ਦੀ ਤਲਾਸ਼ ਕਰ ਰਹੀਆਂ ਸਨ। ਫਿਰ ਜ਼ਮੀਨ ਖਿਸਕਣ ਨੇ ਆਲੇ-ਦੁਆਲੇ ਦੀਆਂ ਪਹਾੜੀਆਂ ਨੂੰ ਹਿਲਾ ਦਿੱਤਾ ਤੇ ਉਹ ਸਾਰੀਆਂ ਔਰਤਾਂ ਇਸ ਦੀ ਮਿੱਟੀ ਹੇਠਾਂ ਦੱਬ ਗਈਆਂ।