by jaskamal
ਨਿਊਜ਼ ਡੈਸਕ (ਜਸਕਮਲ) : ਸੂਰਜ ਗ੍ਰਹਿਣ ਜਾਂ ਕਿਸੇ ਵੀ ਗ੍ਰਹਿਣ 'ਚ ਸੂਤਕ ਕਾਲ ਦੇ ਨਿਯਮ ਸਭ ਤੋਂ ਮਹੱਤਵਪੂਰਨ ਮੰਨੇ ਜਾਂਦੇ ਹਨ। ਦੂਜੇ ਪਾਸੇ, ਜੋਤਿਸ਼ ਸ਼ਾਸਤਰ ਦੇ ਅਨੁਸਾਰ, ਸੂਤਕ ਕਾਲ ਗ੍ਰਹਿਣ ਤੋਂ 12 ਘੰਟੇ ਪਹਿਲਾਂ ਸ਼ੁਰੂ ਹੁੰਦਾ ਹੈ। ਤੁਹਾਨੂੰ ਇਹ ਵੀ ਦੱਸ ਦੇਈਏ ਕਿ ਇਸ ਵਾਰ ਸਾਲ ਦਾ ਆਖਰੀ ਸੂਰਜ ਗ੍ਰਹਿਣ 4 ਦਸੰਬਰ ਨੂੰ ਸਵੇਰੇ 10:59 'ਤੇ ਸ਼ੁਰੂ ਹੋਵੇਗਾ ਅਤੇ ਇਹ ਦੁਪਹਿਰ 03:07 'ਤੇ ਖਤਮ ਹੋਵੇਗਾ। ਕਿਹਾ ਜਾ ਰਿਹਾ ਹੈ ਕਿ ਸੂਰਜ ਗ੍ਰਹਿਣ ਅੰਸ਼ਿਕ ਜਾਂ ਪੈਨੰਬਰਲ ਗ੍ਰਹਿਣ ਹੋਵੇਗਾ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਸੂਤਕ ਕਾਲ ਦੇ ਨਿਯਮ ਤੇ ਇਸ ਦੇ ਨਾਲ ਸੂਰਜ ਗ੍ਰਹਿਣ 'ਚ ਨਹੀਂ ਕਰਨ ਵਾਲੇ ਕੰਮ ਦੱਸਣ ਜਾ ਰਹੇ ਹਾਂ।
ਸੂਤਕ ਦੇ ਨਿਯਮ : ਇਸ ਦਿਨ ਪਾਣੀ ਨੂੰ ਛਾਣ ਕੇ ਉਸ ਵਿਚ ਤੁਲਸੀ ਦੀਆਂ ਪੱਤੀਆਂ ਮਿਲਾ ਕੇ ਹੀ ਸੇਵਨ ਕੀਤਾ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਦਿਨ ਗਰਭਵਤੀ ਔਰਤਾਂ ਨੂੰ ਸਾਵਧਾਨ ਰਹਿੰਦੇ ਹੋਏ ਘਰ ਤੋਂ ਬਾਹਰ ਨਹੀਂ ਨਿਕਲਣ ਦਿੱਤਾ ਜਾਂਦਾ। ਇਸ ਦੇ ਨਾਲ ਹੀ ਇਸ ਦਿਨ ਸੂਰਜ ਗ੍ਰਹਿਣ ਤੋਂ ਬਾਅਦ ਘਰ 'ਚ ਹਰ ਜਗ੍ਹਾ ਪਾਣੀ ਨਾਲ ਸ਼ੁੱਧੀਕਰਨ ਕੀਤਾ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਗ੍ਰਹਿਣ ਮੌਕੇ ਤੁਲਸੀ ਦੇ ਪੱਤਿਆਂ ਨੂੰ ਭੋਜਨ ਵਿੱਚ ਨਿਸ਼ਚਿਤ ਰੂਪ ਨਾਲ ਮਿਲਾ ਕੇ ਹੀ ਭੋਜਨ ਤਿਆਰ ਤੇ ਖਾਧਾ ਜਾਂਦਾ ਹੈ। ਇਸ ਦਿਨ ਮੰਦਰ ਵਿਚ ਮੂਰਤੀ ਦੀ ਵੀ ਸ਼ੁੱਧੀ ਕੀਤੀ ਜਾਂਦੀ ਹੈ। ਗ੍ਰਹਿਣ ਨੰਗੀ ਅੱਖ ਨਾਲ ਨਹੀਂ ਦੇਖਿਆ ਜਾ ਸਕਦਾ।
ਇਹ ਚੀਜ਼ਾਂ ਨਹੀਂ ਕੀਤੀਆਂ ਜਾਂਦੀਆਂ :
- ਖਾਣਾ ਨਾ ਖਾਓ।
- ਮੰਦਰ ਨਾ ਜਾਣਾ। ਪੂਜਾ ਤੇ ਛੂਹਣ ਦੀ ਮਨਾਹੀ ਹੈ।
- ਗ੍ਰਹਿਣ ਨੂੰ ਖੁੱਲ੍ਹੀਆਂ ਅੱਖਾਂ ਨਾਲ ਨਾ ਦੇਖੋ।
- ਗਰਭਵਤੀ ਔਰਤਾਂ ਬਾਹਰ ਨਾ ਨਿਕਲਣ।
- ਪਾਣੀ ਨੂੰ ਸ਼ੁੱਧ ਕੀਤੇ ਬਿਨਾਂ ਨਾ ਪੀਓ।
- ਗ੍ਰਹਿਣ ਦੌਰਾਨ ਹਰ ਤਰ੍ਹਾਂ ਦੀਆਂ ਅਗਨੀ ਕਿਰਿਆਵਾਂ ਨਾ ਕਰੋ, ਜਿਵੇਂ ਕਿ ਸਸਕਾਰ ਜਾਂ ਯੱਗ।
