ਗੁਨਾ (ਨੇਹਾ): ਮੱਧ ਪ੍ਰਦੇਸ਼ ਦੇ ਗੁਨਾ ਜ਼ਿਲੇ ਦੀ ਰਾਘੋਗੜ੍ਹ ਤਹਿਸੀਲ ਦੇ ਪਿਪਲੀਆ ਪਿੰਡ 'ਚ ਸ਼ਨੀਵਾਰ ਸ਼ਾਮ ਨੂੰ ਇਕ 9 ਸਾਲਾ ਬੱਚਾ ਬੋਰਵੈੱਲ ਦੇ ਖੁੱਲ੍ਹੇ ਟੋਏ 'ਚ ਡਿੱਗ ਗਿਆ। ਹੁਣ ਕਈ ਘੰਟਿਆਂ ਦੀ ਸਖਤ ਮਿਹਨਤ ਤੋਂ ਬਾਅਦ NDRF ਦਾ ਬਚਾਅ ਕਾਰਜ ਸਫਲ ਰਿਹਾ ਹੈ। ਬੱਚੇ ਨੂੰ ਬਾਹਰ ਕੱਢ ਲਿਆ ਗਿਆ ਹੈ ਅਤੇ ਐਂਬੂਲੈਂਸ ਰਾਹੀਂ ਹਸਪਤਾਲ ਲਿਜਾਇਆ ਜਾ ਰਿਹਾ ਹੈ।

ਬੱਚੇ ਦੀ ਸੂਚਨਾ ਮਿਲਦੇ ਹੀ ਪ੍ਰਸ਼ਾਸਨ ਨੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ। ਦੋ ਬੁਲਡੋਜ਼ਰਾਂ ਨਾਲ ਖੁਦਾਈ ਸ਼ੁਰੂ ਕੀਤੀ। ਭੋਪਾਲ ਤੋਂ NDREF ਦੀ ਟੀਮ ਵੀ ਗੁਨਾ ਪਹੁੰਚ ਗਈ ਹੈ। NDRF ਦੀ ਟੀਮ ਨੇ 45 ਫੁੱਟ ਖੋਦਣ ਤੋਂ ਬਾਅਦ 10 ਫੁੱਟ ਦੀ ਸੁਰੰਗ ਬਣਾਉਣੀ ਸ਼ੁਰੂ ਕਰ ਦਿੱਤੀ ਹੈ। ਬੱਚਾ ਕਰੀਬ 39 ਫੁੱਟ ਤੱਕ ਫਸਿਆ ਹੋਇਆ ਹੈ ਅਤੇ ਟੋਏ ਵਿੱਚ ਪਾਣੀ ਹੈ। ਕੁਲੈਕਟਰ, ਵਿਧਾਇਕ ਆਦਿ ਵੀ ਰਾਤ ਤੋਂ ਹੀ ਮੌਕੇ 'ਤੇ ਮੌਜੂਦ ਹਨ।