ਐਨ. ਆਰ .ਆਈ. ਮੀਡਿਆ :- 1984 ਵਿੱਚ, 2 ਅਤੇ 3 ਦਸੰਬਰ ਦੀ ਵਿਚਕਾਰਲੀ ਰਾਤ ਨੂੰ, ਇੱਕ ਜ਼ਹਿਰੀਲੀ ਗੈਸ ਲੀਕ ਹੋਣ ਨਾਲ ਹਜ਼ਾਰਾਂ ਸੁੱਤੇ ਹੋਏ ਲੋਕਾਂ ਦੀ ਮੌਤ ਹੋ ਗਈ | ਗੈਸ 10 ਵਜੇ ਦੇ ਕਰੀਬ ਲੀਕ ਹੋਈ ਅਤੇ 11 ਵਜੇ ਤੋਂ ਬਾਅਦ ਇਸ ਨੇ ਆਪਣੇ ਪ੍ਰਭਾਵ ਦਿਖਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਥੋੜ੍ਹੇ ਸਮੇਂ ਵਿਚ ਆਸ ਪਾਸ ਦੇ ਇਲਾਕਿਆਂ ਵਿਚ ਫੈਲ ਗਈ | ਵੱਡੀ ਗਿਣਤੀ ਵਿਚ ਲੋਕਾਂ ਦੀ ਮੌਤ ਹੋ ਗਈ | 36 ਸਾਲ ਪਹਿਲਾਂ ਮੱਧ ਪ੍ਰਦੇਸ਼ ਦੇ ਭੋਪਾਲ ਵਿੱਚ ਅਜਿਹੀ ਇੱਕ ਬੁਰੀ ਰਾਤ ਆਈ, ਜਿਸ ਨੇ ਇੱਕ ਹੀ ਝਟਕੇ ਵਿੱਚ ਹਜ਼ਾਰਾਂ ਲੋਕਾਂ ਦੀ ਜਾਨ ਲੈ ਲਈ। ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਇੱਕ ਭਿਆਨਕ ਰਾਤ ਦਾ ਗਵਾਹ ਬਣ ਗਈ |

36 ਸਾਲ ਪਹਿਲਾਂ, ਭੋਪਾਲ ਦੇ ਕਾਜ਼ੀ ਕੈਂਪ ਅਤੇ ਜੇਪੀ ਨਗਰ ਜਿਸਨੂੰ ਆਰਿਫ਼ ਨਗਰ ਹੁਣ ਕਿਹਾ ਜਾਂਦਾ ਹੈ ਅਤੇ ਇਸ ਦੇ ਆਸ ਪਾਸ ਦੇ ਇਲਾਕਿਆਂ ਦੇ ਲੋਕ ਰਾਤ ਦਾ ਖਾਣਾ ਖਾ ਰਹੇ ਸਨ ਅਤੇ ਸੌਂ ਰਹੇ ਸਨ ਪਰ ਅੱਧੀ ਰਾਤ ਨੂੰ ਆਰਿਫ ਨਗਰ ਵਿੱਚ ਸਥਿਤ ਅਮਰੀਕੀ ਕੰਪਨੀ ਯੂਨੀਅਨ ਕਾਰਬਾਈਡ ਫੈਕਟਰੀ ਵਿੱਚ ਗੈਸ ਦੀਆਂ ਟੈਂਕੀਆਂ ਦੀ ਅੱਧੀ ਰਾਤ ਨੂੰ ਅਜਿਹੀ ਖਤਰਨਾਕ ਗੈਸ ਲੀਕ ਹੋਈ , ਇਕ ਟੈਂਕ ਨੰਬਰ 610 ਤੋਂ ਹੋਈ ਜਿਸ ਕਾਰਨ ਹਜ਼ਾਰਾਂ ਲੋਕਾਂ ਦੀ ਜਾਨ ਚਲੀ ਗਈ। ਇੰਨਾ ਹੀ ਨਹੀਂ, ਇਸ ਖਤਰਨਾਕ ਗੈਸ ਦਾ ਪ੍ਰਭਾਵ ਅਗਲੇ ਕਈ ਸਾਲਾਂ ਤੱਕ ਰਿਹਾ ਅਤੇ ਹਾਦਸੇ ਤੋਂ ਬਾਅਦ ਵੀ ਇੱਥੋਂ ਦੇ ਲੋਕਾਂ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਇਹ ਵੀ ਦੱਸਿਆ ਜਾਂਦਾ ਹੈ ਕਿ ਯੂਨੀਅਨ ਕਾਰਬਾਈਡ ਦੀ ਫੈਕਟਰੀ ਵਿਚੋਂ ਤਕਰੀਬਨ 40 ਟਨ ਗੈਸ ਲੀਕ ਹੋਈ ਸੀ। ਲੀਕ ਹੋਣ ਦਾ ਕਾਰਨ ਇਹ ਸੀ ਕਿ ਜ਼ਹਿਰੀਲੀ ਮਿਥਾਈਲ ਆਈਸੋ-ਸਿਗਨੇਟ ਗੈਸ (ਐਮਆਈਸੀ) ਨੂੰ ਟੈਂਕ ਨੰਬਰ 610 ਵਿਚ ਪਾਣੀ ਨਾਲ ਮਿਲ ਗਈ ਸੀ , ਇਸ ਰਸਾਇਣਕ ਪ੍ਰਕਿਰਿਆ ਦੇ ਕਾਰਨ ਟੈਂਕ ਵਿਚ ਦਬਾਅ ਪੈ ਗਿਆ, ਜਿਸ ਨਾਲ ਟੈਂਕ ਖੁੱਲ੍ਹ ਗਿਆ ਅਤੇ ਇਸ ਵਿਚੋਂ ਨਿਕਲ ਰਹੀ ਗੈਸ ਨੇ ਥੋੜੇ ਸਮੇਂ ਵਿਚ ਹੀ ਹਜ਼ਾਰਾਂ ਜਾਨਾਂ ਲੈ ਲਈਆਂ |