ਪੁਲੀਗੱਡਾ (ਨੇਹਾ): ਆਂਧਰਾ ਪ੍ਰਦੇਸ਼ ਦੇ ਪੁਲੀਗੱਡਾ 'ਚ ਸੋਮਵਾਰ ਨੂੰ ਇਕ ਸੜਕ ਹਾਦਸੇ 'ਚ ਇਕ ਹੀ ਪਰਿਵਾਰ ਦੇ 4 ਲੋਕਾਂ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ। ਪੁਲਸ ਸੂਤਰਾਂ ਮੁਤਾਬਕ ਕਾਰ 'ਚ ਸਵਾਰ 6 ਲੋਕ ਟੇਨਾਲੀ ਤੋਂ ਮੋਪੀਦੇਵੀ ਕਸਬੇ 'ਚ ਸਥਿਤ ਸੁਬਰਾਮਨੀਮੇਸ਼ਵਰ ਸਵਾਮੀ ਮੰਦਰ ਜਾ ਰਹੇ ਸਨ। ਇਸ ਦੌਰਾਨ ਅਵਾਨੀਗੱਡਾ ਡਿਵੀਜ਼ਨ ਵਿੱਚ ਨੈਸ਼ਨਲ ਹਾਈਵੇਅ 216 ’ਤੇ ਇੱਕ ਕਾਰ ਦੀ ਇੱਕ ਲਾਰੀ ਨਾਲ ਟੱਕਰ ਹੋ ਗਈ।

ਇਸ ਹਾਦਸੇ 'ਚ ਗਿਡੂਗੂ ਰਵਿੰਦਰ ਮੋਹਨ ਬਾਬੂ (55), ਉਨ੍ਹਾਂ ਦੀ ਪਤਨੀ ਅਰੁਣਾ (50), ਉਨ੍ਹਾਂ ਦੇ ਪੋਤੇ ਸਾਤਵਿਕ (5) ਅਤੇ ਛੇ ਮਹੀਨੇ ਦੇ ਬੱਚੇ ਦੀ ਮੌਤ ਹੋ ਗਈ, ਜਦਕਿ ਗਿਡੂਗੂ ਸੰਦੀਪ ਅਤੇ ਪੱਲਵੀ ਜ਼ਖਮੀ ਹੋ ਗਏ। ਜ਼ਖਮੀਆਂ ਨੂੰ GGH, ਅਵਾਨੀਗੱਡਾ 'ਚ ਭਰਤੀ ਕਰਵਾਇਆ ਗਿਆ ਹੈ। ਹਾਦਸੇ ਤੋਂ ਬਾਅਦ ਹਾਈਵੇਅ 'ਤੇ ਆਵਾਜਾਈ ਵਿੱਚ ਵਿਘਨ ਪੈ ਗਿਆ, ਜਿਸ ਕਾਰਨ ਸੜਕ ਦੇ ਦੋਵੇਂ ਪਾਸੇ ਵੱਡੀ ਗਿਣਤੀ ਵਿੱਚ ਵਾਹਨ ਫਸ ਗਏ। ਪੁਲੀਸ ਨੇ ਵਾਹਨਾਂ ਨੂੰ ਹਟਾ ਕੇ ਆਵਾਜਾਈ ਨੂੰ ਸੁਚਾਰੂ ਕਰਵਾਇਆ।