ਸਿਓਲ (ਨੇਹਾ): ਦੱਖਣੀ ਕੋਰੀਆ ਦੇ ਭਿਆਨਕ ਜਹਾਜ਼ ਹਾਦਸੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ ਹੁਣ 167 ਹੋ ਗਈ ਹੈ। ਜਦਕਿ ਜਹਾਜ਼ ਦੇ ਹੋਰ ਯਾਤਰੀ ਲਾਪਤਾ ਹਨ। ਇਸ ਜਹਾਜ਼ ਹਾਦਸੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ ਹੋਰ ਵਧਣ ਦਾ ਖਦਸ਼ਾ ਹੈ। ਜਹਾਜ਼ ਵਿੱਚ ਕੁੱਲ 181 ਯਾਤਰੀ ਸਵਾਰ ਸਨ। ਇਹ ਹਾਦਸਾ ਦੱਖਣੀ ਕੋਰੀਆ ਦੇ ਮੁਆਨ ਹਵਾਈ ਅੱਡੇ 'ਤੇ ਐਤਵਾਰ ਨੂੰ ਉਸ ਸਮੇਂ ਵਾਪਰਿਆ ਜਦੋਂ ਲੈਂਡਿੰਗ ਦੌਰਾਨ ਜਹਾਜ਼ ਦਾ ਲੈਂਡਿੰਗ ਗੀਅਰ ਫੇਲ ਹੋ ਗਿਆ ਅਤੇ ਅਚਾਨਕ ਇਹ ਕੰਧ ਦੀ ਵਾੜ ਨਾਲ ਟਕਰਾ ਗਿਆ। ਇਸ ਕਾਰਨ ਯਾਤਰੀ ਜਹਾਜ਼ ਨੂੰ ਅੱਗ ਲੱਗ ਗਈ। ਇਸ ਘਟਨਾ 'ਚ ਘੱਟੋ-ਘੱਟ 167 ਲੋਕਾਂ ਦੀ ਮੌਤ ਹੋ ਗਈ ਸੀ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ।

ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਦੇਸ਼ ਵਿੱਚ ਹੁਣ ਤੱਕ ਦੇ ਸਭ ਤੋਂ ਭਿਆਨਕ ਹਵਾਈ ਹਾਦਸਿਆਂ ਵਿੱਚੋਂ ਇੱਕ ਹੈ। ਦੇਸ਼ ਦੀ ਰਾਸ਼ਟਰੀ ਅੱਗ ਬੁਝਾਊ ਏਜੰਸੀ ਨੇ ਦੱਸਿਆ ਕਿ ਮੁਏਨ ਸ਼ਹਿਰ 'ਚ ਸਥਿਤ ਇਸ ਹਵਾਈ ਅੱਡੇ 'ਤੇ 'ਜੇਜੂ ਏਅਰ' ਯਾਤਰੀ ਜਹਾਜ਼ ਤੋਂ ਬਚਾਅ ਦਲ ਲੋਕਾਂ ਨੂੰ ਕੱਢਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਜਹਾਜ਼ 'ਚ 181 ਯਾਤਰੀ ਸਵਾਰ ਸਨ। ਟਰਾਂਸਪੋਰਟ ਮੰਤਰਾਲੇ ਨੇ ਕਿਹਾ ਕਿ ਇਹ ਜਹਾਜ਼ 15 ਸਾਲ ਪੁਰਾਣਾ ਬੋਇੰਗ 737-800 ਜੈੱਟ ਸੀ ਜੋ ਬੈਂਕਾਕ ਤੋਂ ਵਾਪਸ ਆ ਰਿਹਾ ਸੀ ਅਤੇ ਇਹ ਹਾਦਸਾ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 9:03 ਵਜੇ ਵਾਪਰਿਆ। ਫਾਇਰ ਏਜੰਸੀ ਨੇ ਦੱਸਿਆ ਕਿ ਅੱਗ 'ਚ ਘੱਟੋ-ਘੱਟ 167 ਲੋਕਾਂ ਦੀ ਮੌਤ ਹੋ ਗਈ। ਏਜੰਸੀ ਮੁਤਾਬਕ ਮਰਨ ਵਾਲਿਆਂ ਦੀ ਗਿਣਤੀ ਵਧਣ ਦੀ ਸੰਭਾਵਨਾ ਹੈ ਕਿਉਂਕਿ ਜਹਾਜ਼ 'ਚ ਸਵਾਰ ਬਾਕੀ ਲੋਕ ਘਟਨਾ ਦੇ ਕਰੀਬ ਛੇ ਘੰਟੇ ਬਾਅਦ ਵੀ ਲਾਪਤਾ ਹਨ।