by
ਪਿਓਂਗਯਾਂਗ/ਵਾਸ਼ਿੰਗਟਨ , 08 ਦਸੰਬਰ ( NRI MEDIA )
ਉੱਤਰੀ ਕੋਰੀਆ ਨੇ ਅਮਰੀਕਾ ਨਾਲ ਪ੍ਰਮਾਣੂ ਗੈਰ-ਪ੍ਰਸਾਰ ਸੰਧੀ 'ਤੇ ਗੱਲਬਾਤ ਨੂੰ ਰੱਦ ਕਰ ਦਿੱਤਾ ਹੈ ,ਉੱਤਰ ਕੋਰੀਆ ਨੇ ਇਹ ਇਲਜ਼ਾਮ ਲਗਾਇਆ ਕਿ ਅਮਰੀਕਾ ਆਪਣੇ ਘਰੇਲੂ ਰਾਜਨੀਤਿਕ ਏਜੰਡੇ ਨੂੰ ਤਿਆਰ ਕਰਨ ਵਿੱਚ ਰੁੱਝਿਆ ਹੋਇਆ ਹੈ ਅਤੇ ਗੱਲਬਾਤ ਦਾ ਬਹਾਨਾ ਸਮਾਂ ਬਚਾਉਣ ਦੀ ਇੱਕ ਚਾਲ ਹੈ ,ਰਾਜਦੂਤ ਕਿਮ ਸੌਂਗ ਨੇ ਕਿਹਾ ਕਿ ਸਾਨੂੰ ਅਮਰੀਕਾ ਨਾਲ ਲੰਮੀ ਗੱਲਬਾਤ ਦੀ ਜ਼ਰੂਰਤ ਨਹੀਂ ਹੈ ਅਤੇ ਹੁਣ ਸਮਝੌਤੇ ਦਾ ਮੌਕਾ ਖਤਮ ਹੋ ਗਿਆ ਹੈ।
ਉੱਤਰ ਕੋਰੀਆ ਦੀ ਕੇਸੀਐਨਏ ਨਿਉਜ਼ ਏਜੰਸੀ ਨੇ ਸੌਂਗ ਦੇ ਬਿਆਨ ਤੋਂ ਤੁਰੰਤ ਬਾਅਦ ਸੈਟੇਲਾਈਟ ਲਾਂਚਿੰਗ ਸਾਈਟ ਤੋਂ ਇੱਕ ਬਹੁਤ ਮਹੱਤਵਪੂਰਣ ਟੈਸਟ ਦਾ ਐਲਾਨ ਕੀਤਾ ,ਇਹ ਹਾਲੇ ਤੈਅ ਨਹੀਂ ਹੋਇਆ ਹੈ ਕਿ ਇਹ ਕਿਸ ਤਰ੍ਹਾਂ ਦਾ ਟੈਸਟ ਸੀ ਹਾਲਾਂਕਿ ਉੱਤਰ ਕੋਰੀਆ ਦਾ ਕਹਿਣਾ ਹੈ ਕਿ ਇਸ ਨਾਲ ਦੇਸ਼ ਦੀ ਕੂਟਨੀਤਕ ਸਥਿਤੀ ਬਦਲੇਗੀ।
ਰਿਪੋਰਟਾਂ ਦੇ ਅਨੁਸਾਰ, ਜਿਸ ਜਗ੍ਹਾ 'ਤੇ ਟੈਸਟ ਕੀਤਾ ਗਿਆ ਸੀ ਉਹ ਸੋਹਾ ਸੈਟੇਲਾਈਟ ਲਾਂਚ ਸਾਈਟ ਹੈ ,ਇੱਥੋਂ, ਉੱਤਰੀ ਕੋਰੀਆ ਨੇ ਮਿਜ਼ਾਈਲ ਇੰਜਨ ਟੈਸਟਿੰਗ ਅਤੇ ਰਾਕੇਟ ਕਈ ਵਾਰ ਲਾਂਚ ਕੀਤੇ ਹਨ ,ਦੱਖਣੀ ਕੋਰੀਆ ਤੋਂ ਇਸ ਟੈਸਟ ਬਾਰੇ ਹਾਲੇ ਕੋਈ ਬਿਆਨ ਨਹੀਂ ਆਇਆ ਹੈ ,ਆਮ ਤੌਰ 'ਤੇ ਦੱਖਣੀ ਕੋਰੀਆ ਦੇ ਸਿਸਟਮ ਉੱਤਰੀ ਕੋਰੀਆ ਤੋਂ ਮਿਜ਼ਾਈਲ ਲਾਂਚ ਕਰਨ ਤੋਂ ਬਾਅਦ ਹੀ ਅਲਰਟ ਜਾਰੀ ਕਰਦੇ ਹਨ.
ਕਿਮ ਜੋਂਗ-ਉਨ ਨਾਲ ਚੰਗੇ ਸੰਬੰਧ ਕਾਇਮ ਰਹਿਣੇ ਚਾਹੀਦੇ-ਟਰੰਪ
ਉੱਤਰ ਕੋਰੀਆ ਦੇ ਇਸ ਸੌਦੇ ਨੂੰ ਰੱਦ ਕਰਨ ਦੇ ਫੈਸਲੇ ਤੋਂ ਬਾਅਦ, ਯੂਐਸ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਉਹ ਹੈਰਾਨ ਹੋਣਗੇ ਜੇਕਰ ਕਿਮ ਜੋਂਗ-ਉਨ ਦਾ ਪ੍ਰਸ਼ਾਸਨ ਕਿਸੇ ਵੀ ਤਰਾਂ ਨਾਲ ਦੁਸ਼ਮਣੀ ਨਾਲ ਵਿਵਹਾਰ ਕਰਦਾ ਹੈ,ਰਿਪੋਰਟਰਾਂ ਨੇ ਟਰੰਪ ਨੂੰ ਪੁੱਛਿਆ ਕਿ ਉਹ ਉੱਤਰ ਕੋਰੀਆ ਨੂੰ ਸਮਝੌਤੇ 'ਤੇ ਵਾਪਸ ਆਉਣ ਲਈ ਕਿਵੇਂ ਸਹਿਮਤ ਕਰਨਗੇ, ਇਸ ਤੇ ਉਨ੍ਹਾਂ ਨੇ ਕਿਹਾ- "ਕਿਮ ਜੋਂਗ-ਉਨ ਨਾਲ ਮੇਰਾ ਚੰਗਾ ਰਿਸ਼ਤਾ ਹੈ , ਮੈਨੂੰ ਲਗਦਾ ਹੈ ਕਿ ਅਸੀਂ ਦੋਵੇਂ ਸਥਿਤੀ ਨੂੰ ਕਾਇਮ ਰੱਖਣਾ ਚਾਹੁੰਦੇ ਹਾਂ. ਉਹ ਜਾਣਦੇ ਹਨ ਕਿ ਅਮਰੀਕਾ ਵਿਚ ਚੋਣਾਂ ਹਨ. ਮੈਨੂੰ ਨਹੀਂ ਲਗਦਾ ਕਿ ਉਹ ਇਸ ਵਿਚ ਦਖਲ ਦੇਣਾ ਚਾਹੁੰਦੇ ਹਨ ਪਰ ਸਾਨੂੰ ਹੋਰ ਵੇਖਣਾ ਪਏਗਾ।
