ਚੇਨਈ (ਰਾਘਵ) : ਤਾਮਿਲਨਾਡੂ ਦੇ ਕੋਇੰਬਟੂਰ 'ਚ ਸ਼ੁੱਕਰਵਾਰ ਸਵੇਰੇ ਇਕ ਐਲਪੀਜੀ ਟੈਂਕਰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇਸ ਤੋਂ ਬਾਅਦ ਟੈਂਕਰ 'ਚੋਂ ਗੈਸ ਲੀਕ ਹੋਣ ਲੱਗੀ। ਬਚਾਅ ਟੀਮ ਮੌਕੇ 'ਤੇ ਪਹੁੰਚ ਗਈ ਹੈ। ਇਹ ਘਟਨਾ ਕੋਇੰਬਟੂਰ ਦੇ ਉਪਲੀਪਲਯਾਮ ਫਲਾਈਓਵਰ 'ਤੇ ਵਾਪਰੀ। ਟੈਂਕਰ ਕੋਚੀ ਤੋਂ ਕੋਇੰਬਟੂਰ ਆ ਰਿਹਾ ਸੀ। ਇਸ ਹਾਦਸੇ ਤੋਂ ਬਾਅਦ ਪੂਰੇ ਇਲਾਕੇ ਦੀ ਘੇਰਾਬੰਦੀ ਕਰ ਦਿੱਤੀ ਗਈ ਹੈ। ਫਾਇਰ ਅਤੇ ਬਚਾਅ ਟੀਮਾਂ ਨੇ ਮੌਕੇ 'ਤੇ ਪਹੁੰਚ ਕੇ ਟੈਂਕਰ 'ਤੇ ਪਾਣੀ ਪਾਇਆ ਤਾਂ ਜੋ ਗੈਸ ਦੇ ਲੀਕੇਜ 'ਤੇ ਕਾਬੂ ਪਾਇਆ ਜਾ ਸਕੇ।