ਨਿਊਜ਼ ਡੈਸਕ (ਰਿੰਪੀ ਸ਼ਰਮਾ) : ਭਾਰਤ ਵਿੱਚ, ਹਾਲੀਆ ਸਰਵੇ ਦੇ ਅਨੁਸਾਰ ਤਕਰੀਬਨ 1.3 ਕਰੋੜ ਲੋਕੀ ਮਿਰਗੀ ਦੇ ਸ਼ਿਕਾਰ ਹਨ, ਪਰ ਸਿਰਫ 29 ਲੱਖ ਦਾ ਹੀ ਇਲਾਜ ਹੋਇਆ ਹੈ। ਮਿਰਗੀ ਇੱਕ ਮਾਨਸਿਕ ਸਥਿਤੀ / ਵਿਕਾਰ ਹੈ, ਜਿਸ ਵਿੱਚ ਲੋਕਾਂ ਨੂੰ ਅਕਸਰ ਦੌਰੇ ਪੈਂਦੇ ਹਨ। ਦੌਰਿਆਂ ਦੇ ਲੱਛਣ - ਅਸਾਧਾਰਣ ਵਿਵਹਾਰ, ਵੱਧ ਉਤੇਜਨਾ, ਅਤੇ ਕਈ ਵਾਰ ਕਿਸੇ ਵੀ ਕੰਮ ਵਿੱਚ ਧਿਆਨ ਨਹੀਂ ਲੱਗਦਾ, ਇਨ੍ਹਾਂ ਦਾ ਕਾਰਨ ਦਿਮਾਗੀ ਗਤੀਵਿਧੀਆਂ ਵਿੱਚ ਅਚਾਨਕ ਵਾਧਾ ਹੋ ਜਾਣਾ, ਮਤਲਬ ਕਿ ਵਾਧੂ ਭਾਰ ਪੈਣਾ ਕਹਿ ਸਕਦੇ ਹਾਂ1।

ਮਿਰਗੀ ਦੇ ਕਈ ਕਾਰਨ ਹੋ ਸਕਦੇ ਹਨ। ਇਨ੍ਹਾਂ ਵਿੱਚ ਬ੍ਰੇਨ ਟਿਊਮਰਸ, ਸਿਰ ਦੀਆਂ ਸੱਟਾਂ, ਇੰਫੈਕਸ਼ਨਸ, ਕੋਈ ਵੱਡਾ ਸਦਮਾ ਜਾਂ ਪੈਦਾਇਸ਼ੀ ਹਾਲਤ ਸ਼ਾਮਲ ਹਨ। ਹਾਲਾਂਕਿ, ਵਿਅਸਕਾਂ ਅਤੇ ਬੱਚਿਆਂ ਨੂੰ ਹੋਣ ਵਾਲੀ ਮਿਰਗੀ ਦੇ 70 ਪ੍ਰਤੀਸ਼ਤ ਮਾਮਲਿਆਂ ਵਿੱਚ, ਸਮੇਂ ਸਿਰ ਦਵਾਈਆਂ ਨਾ ਲੈਣਾ, ਤਣਾਅ, ਚਿੰਤਾ ਜਾਂ ਉਤਸ਼ਾਹ, ਹਾਰਮੋਨ ਵਿੱਚ ਤਬਦੀਲੀ, ਕੁਝ ਖਾਣ-ਪੀਣ ਦੀਆਂ ਚੀਜ਼ਾਂ, ਸ਼ਰਾਬ, ਫੋਟੋ-ਸੈਂਸੀਵਿਟੀ ਅਤੇ ਮਿਊਜ਼ਿਕ।

ਮਿਰਗੀ ਦੇ ਇਲਾਜ ਸੰਬੰਧੀ ਮੁੱਖ ਚੁਣੌਤੀਆਂ:

ਜੇਕਰ ਮਿਰਗੀ ਦੀ ਗੱਲ ਕਰੀਏ, ਤਾਂ ਲੋਕਾਂ ਵਲੋਂ ਜਾਂਚ ਨਾ ਕਰਵਾਉਣਾ ਇੱਕ ਵੱਡੀ ਸਮੱਸਿਆ ਹੈ। ਇਸ ਸੰਬੰਧ ਵਿੱਚ ਸਮਾਜਿਕ-ਸਭਿਆਚਾਰਕ ਸਮੱਸਿਆਵਾਂ ਜਾਂ ਰੁਕਾਵਟਾਂ/ਅਫਵਾਹਾਂ ਸਮੇਤ ਕਈ ਭੁਲੇਖੇ ਹਨ। ਕਈ ਵਾਰ ਸਥਿਤੀ ਦੀ ਸਹੀ ਡਾਕਟਰੀ ਜਾਂਚ ਨਹੀਂ ਹੁੰਦੀ, ਜਿਸ ਨਾਲ ਗਲਤ ਜਾਂ ਦੇਰੀ ਨਾਲ ਇਲਾਜ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਮਿਰਗੀ ਨਾਲ ਪੀੜਤ ਲੋਕ, ਸਿਹਤ ਅਤੇ ਸਮਾਜਿਕ ਅਸਮਾਨਤਾਵਾਂ ਦਾ ਵੀ ਅਨੁਭਵ ਕਰਦੇ ਹਨ, ਜਿਵੇਂ ਕਿ ਸਿਹਤ ਦੀ ਸਭ ਤੋਂ ਖਰਾਬ ਹਾਲਤ ਵਿੱਚ ਜ਼ਿੰਦਗੀ ਜਿਉਣਾ7। ਆਪਣੀ ਮਿਰਗੀ ਦੀ ਬਿਮਾਰੀ ਨੂੰ ਚੰਗੀ ਤਰ੍ਹਾਂ ਨਿਯੰਤਰਿਤ ਕਰਨ ਵਾਲੇ ਲੋਕ, ਅਕਸਰ ਆਪਣੇ ਦੌਰੇ ਦੇ ਵਿਕਾਰ ਬਾਰੇ ਗੱਲ ਨਹੀਂ ਕਰਦੇ ਜਾਂ ਆਪਣੇ ਦੋਸਤਾਂ ਅਤੇ ਸਹਿਕਰਮੀਆਂ ਦੀਆਂ ਪ੍ਰਤੀਕਿਰਿਆਵਾਂ ਜਾਂ ਮਿਰਗੀ ਦੇ ਕਲੰਕ ਤੋਂ ਡਰ ਕੇ ਇਸ ਬਾਰੇ ਵਿੱਚ ਕਿਸੇ ਨੂੰ ਨਹੀਂ ਦੱਸਦੇ। ਵੱਡੇ ਪੱਧਰ ਦੇ ਕੀਤੇ ਗਏ ਮਿਰਗੀ ਦੇ ਅਧਿਐਨ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਔਰਤਾਂ ਦੇ ਮੁਕਾਬਲੇ ਵਿੱਚ ਮਰਦ ਇਸ ਬਿਮਾਰੀ ਦਾ ਵੱਧ ਸ਼ਿਕਾਰ ਹੋਏ ਹਨ।