ਪੱਤਰ ਪ੍ਰੇਰਕ : ਟੀ-20 ਮੈਚ ਦੌਰਾਨ ਇੱਕ ਹੋਰ ਭਾਰਤੀ ਤੇਜ਼ ਗੇਂਦਬਾਜ਼ ਨੇ ਵਿਆਹ ਕਰਵਾ ਲਿਆ। ਭਾਰਤੀ ਤੇਜ਼ ਗੇਂਦਬਾਜ਼ ਮੁਕੇਸ਼ ਕੁਮਾਰ ਨੇ ਆਪਣੇ ਵਿਆਹ ਲਈ ਪਿਛਲੇ ਮੰਗਲਵਾਰ (28 ਨਵੰਬਰ) ਨੂੰ ਆਸਟ੍ਰੇਲੀਆ ਖਿਲਾਫ ਤੀਜੇ ਟੀ-20 ਮੈਚ ਤੋਂ ਛੁੱਟੀ ਲੈ ਲਈ ਸੀ, ਜਿਸ ਦੀਆਂ ਤਸਵੀਰਾਂ ਹੁਣ ਸਾਹਮਣੇ ਆਈਆਂ ਹਨ।

ਆਈਪੀਐਲ ਫਰੈਂਚਾਇਜ਼ੀ ਦਿੱਲੀ ਕੈਪੀਟਲਜ਼ ਨੇ ਮੁਕੇਸ਼ ਕੁਮਾਰ ਨੂੰ ਵਧਾਈ ਦਿੱਤੀ ਹੈ ਅਤੇ ਵਿਆਹ ਦੀ ਤਸਵੀਰ ਸਾਂਝੀ ਕੀਤੀ ਹੈ। ਮੁਕੇਸ਼ ਦੀ ਪਤਨੀ ਦਾ ਨਾਂ ਦਿਵਿਆ ਹੈ। ਗੋਪਾਲਗੰਜ ਦੇ ਰਹਿਣ ਵਾਲੇ ਮੁਕੇਸ਼ ਦਾ ਗੋਰਖਪੁਰ ਵਿੱਚ ਵਿਆਹ ਹੋਇਆ ਸੀ। ਲਾੜਾ ਮੁਕੇਸ਼ ਬਹੁਤ ਖੁਸ਼ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਉਸ ਨੇ ਸ਼ੇਰਵਾਨੀ ਪਹਿਨੀ ਹੋਈ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਮੁਕੇਸ਼ ਕੁਮਾਰ ਆਸਟ੍ਰੇਲੀਆ ਦੇ ਖਿਲਾਫ ਖੇਡੀ ਜਾ ਰਹੀ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਹਿੱਸਾ ਹਨ। ਇਸ ਤੋਂ ਪਹਿਲਾਂ ਉਹ ਦੋਵੇਂ ਟੀ-20 ਮੈਚਾਂ ਵਿੱਚ ਪਲੇਇੰਗ ਇਲੈਵਨ ਦਾ ਹਿੱਸਾ ਸਨ। ਤੀਜੇ ਟੀ-20 'ਚ ਉਨ੍ਹਾਂ ਦੀ ਜਗ੍ਹਾ ਦੀਪਕ ਚਾਹਰ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ। ਮੁਕੇਸ਼ ਰਾਏਪੁਰ 'ਚ ਖੇਡੇ ਜਾਣ ਵਾਲੇ ਚੌਥੇ ਟੀ-20 'ਚ ਟੀਮ ਇੰਡੀਆ ਨਾਲ ਜੁੜਣਗੇ।