ਅਮਰੀਕਾ,(ਦੇਵ ਇੰਦਰਜੀਤ) :ਫੌਜ 'ਤੇ ਬਹੁਤ ਸਾਰਾ ਪੈਸਾ ਖਰਚ ਕਰਨ ਵਾਲਾ ਅਮਰੀਕਾ 74 ਅੰਕਾਂ ਨਾਲ ਦੂਜੇ ਨੰਬਰ 'ਤੇ ਹੈ।" ਇਸ ਤੋਂ ਬਾਅਦ, ਰੂਸ 69 ਅੰਕਾਂ ਨਾਲ ਤੀਸਰੇ ਅਤੇ 61 ਅੰਕ ਨਾਲ ਭਾਰਤ ਚੌਥੇ ਅਤੇ 58 ਅੰਕ ਲੈ ਕੇ ਫਰਾਂਸ ਪੰਜਵੇਂ ਨੰਬਰ 'ਤੇ ਹੈ। ਬ੍ਰਿਟੇਨ 43 ਅੰਕਾਂ ਨਾਲ ਨੌਵੇਂ ਸਥਾਨ 'ਤੇ ਹੈ।ਚੀਨ 82 ਅੰਕਾਂ ਨਾਲ ਦੁਨੀਆ ਦੀ ਸਭ ਤੋਂ ਸ਼ਕਤੀਸ਼ਾਲੀ ਸੈਨਾ ਹੈ।

ਅਧਿਐਨ ਵਿਚ ਕਿਹਾ ਗਿਆ ਹੈ ਕਿ ‘ਸੈਨਾ ਦਾ ਤਾਕਤ ਸੂਚਕ’ ਬਜਟ, ਕਿਰਿਆਸ਼ੀਲ ਅਤੇ ਨਾ-ਸਰਗਰਮ ਸੈਨਿਕ ਕਰਮਚਾਰੀਆਂ ਦੀ ਗਿਣਤੀ, ਹਵਾਈ, ਸਮੁੰਦਰੀ, ਜ਼ਮੀਨੀ ਅਤੇ ਪ੍ਰਮਾਣੂ ਸਰੋਤਾਂ, ਔਸਤਨ ਤਨਖਾਹ ਅਤੇ ਉਪਕਰਣਾਂ ਦੀ ਸੰਖਿਆ ਸਮੇਤ ਕਈ ਕਾਰਕਾਂ ਉੱਤੇ ਵਿਚਾਰ ਕਰਨ ਤੋਂ ਬਾਅਦ ਤਿਆਰ ਕੀਤਾ ਗਿਆ ਸੀ। ਚੀਨ ਕੋਲ ਵਿਸ਼ਵ ਦੀ ਸਭ ਤੋਂ ਸ਼ਕਤੀਸ਼ਾਲੀ ਫੌਜ ਹੈ। ਉਸ ਨੇ ਇੰਡੈਕਸ ਵਿਚ 100 ਵਿਚੋਂ 82 ਪ੍ਰਾਪਤ ਕੀਤੇ।

ਅਧਿਐਨ ਦੇ ਮੁਤਾਬਕ, "ਇਹ ਅੰਕ ਬਜਟ, ਫੌਜਾਂ ਅਤੇ ਹਵਾਈ ਅਤੇ ਸਮੁੰਦਰੀ ਜਹਾਜ਼ਾਂ ਵਰਗੀਆਂ ਚੀਜ਼ਾਂ 'ਤੇ ਅਧਾਰਤ ਹਨ ਜੋ ਸੰਕੇਤ ਦਿੰਦੇ ਹਨ ਕਿ ਚੀਨ ਇੱਕ ਕਲਪਨਾਵਾਦੀ ਟਕਰਾਅ ਵਿੱਚ ਜੇਤੂ ਬਣਨ ਲਈ ਚੋਟੀ 'ਤੇ ਆ ਜਾਵੇਗਾ।

ਸੰਯੁਕਤ ਰਾਜ ਅਮਰੀਕਾ ਦੁਨੀਆ ਵਿਚ ਸਭ ਤੋਂ ਵੱਧ 732 ਬਿਲੀਅਨ ਡਾਲਰ ਖਰਚ ਕਰਦਾ ਹੈ.। ਇਸ ਤੋਂ ਬਾਅਦ ਚੀਨ ਦੂਜੇ ਨੰਬਰ 'ਤੇ ਹੈ ਅਤੇ ਇਸ 'ਤੇ 261 ਬਿਲੀਅਨ ਡਾਲਰ ਅਤੇ ਭਾਰਤ ਨੇ 71 ਬਿਲੀਅਨ ਡਾਲਰ ਖਰਚ ਕੀਤੇ ਹਨ।

ਜਿਕਰਯੋਗ ਹੈ ਕੀ ਜੇ ਲੜਾਈ ਹੁੰਦੀ ਹੈ ਤਾਂ ਚੀਨ ਸਮੁੰਦਰੀ ਯੁੱਧ ਵਿਚ ਜਿੱਤੇਗਾ, ਅਮਰੀਕਾ ਹਵਾਈ ਲੜਾਈ ਵਿਚ ਜਿੱਤੇਗਾ ਅਤੇ ਰੂਸ ਜ਼ਮੀਨੀ ਲੜਾਈ ਵਿਚ ਜਿੱਤੇਗਾ।