by jaskamal
ਪੱਤਰ ਪ੍ਰੇਰਕ : ਸ਼ਨੀਵਾਰ ਨੂੰ ਹੋਏ ਭਿਆਨਕ ਸੜਕ ਹਾਦਸੇ 'ਚ ਇਕ ਔਰਤ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਕੁਝ ਔਰਤਾਂ ਅਤੇ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਏ। ਦਰਅਸਲ ਤੇਜ਼ ਰਫਤਾਰ ਕਰੈਸ਼ਰ ਟਿੱਪਰ ਨੇ ਸਵਾਰੀਆਂ ਨਾਲ ਭਰੇ ਟੈਂਪੂ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਟੈਂਪੂ ਪਲਟ ਗਿਆ ਅਤੇ ਟੈਂਪੂ 'ਚ ਸਵਾਰ 10 ਦੇ ਕਰੀਬ ਸਵਾਰੀਆਂ ਗੰਭੀਰ ਜ਼ਖਮੀ ਹੋ ਗਈਆਂ। ਟੈਂਪੂ ਨੂੰ ਟੱਕਰ ਮਾਰਨ ਤੋਂ ਪਹਿਲਾਂ ਟਿੱਪਰ ਨੇ ਇੱਕ ਔਰਤ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਉਕਤ ਔਰਤ ਨੂੰ ਰਾਹਗੀਰਾਂ ਨੇ ਬੜੀ ਮੁਸ਼ਕਲ ਨਾਲ ਟਿੱਪਰ ਦੇ ਟਾਇਰ ਹੇਠੋਂ ਬਾਹਰ ਕੱਢਿਆ।
ਰਾਹਗੀਰਾਂ ਨੇ ਤੁਰੰਤ 108 ਐਂਬੂਲੈਂਸ ਦੀ ਮਦਦ ਨਾਲ ਜ਼ਖਮੀ ਨੂੰ ਸਿਵਲ ਹਸਪਤਾਲ ਫਿਲੌਰ ਵਿਖੇ ਦਾਖਲ ਕਰਵਾਇਆ। ਜ਼ਖਮੀਆਂ ਦੀ ਪਛਾਣ ਸਤਪਾਲ ਪੁੱਤਰ ਤਾਰਾ ਸਿੰਘ ਵਾਸੀ ਪਿੰਡ ਆਸ਼ਿਆਹੂ, ਗੁਰਮੀਤ ਕੌਰ ਪਤਨੀ ਮਹਿੰਦਰ ਸਿੰਘ ਵਾਸੀ ਪਿੰਡ ਆਸ਼ਿਆਹੂ, ਨੰਜੋ ਪਤਨੀ ਰਾਮ ਆਸਰਾ ਵਾਸੀ ਪਿੰਡ ਮਾਂਗਟ, ਰਾਮ ਆਸਰਾ ਪੁੱਤਰ ਚਰਨ ਦਾਸ ਵਾਸੀ ਪਿੰਡ ਮਾਂਗਟ, ਅਨੀਤਾ ਪਤਨੀ ਕਾਲਾ ਵਾਸੀ ਪਿੰਡ ਆਸ਼ਿਆਹੂ ਵਜੋਂ ਹੋਈ ਹੈ। ਛੀਚੋਵਾਲ, ਸਾਹਿਲ ਪੁੱਤਰ ਰਾਮ ਨਰਾਇਣ ਵਾਸੀ ਪਿੰਡ ਗੜ੍ਹਾ ਦੀ ਮੌਤ ਹੋ ਗਈ।
