ਪੱਤਰ ਪ੍ਰੇਰਕ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਗੁਜਰਾਤ ਪਹੁੰਚ ਚੁੱਕੇ ਹਨ। ਪੀਐਮ ਮੋਦੀ ਨੇ ਜਾਮਨਗਰ ਵਿੱਚ ਰੋਡ ਸ਼ੋਅ ਕੀਤਾ। ਪ੍ਰਧਾਨ ਮੰਤਰੀ ਭਲਕੇ ਗੁਜਰਾਤ ਤੋਂ ਕਈ ਪ੍ਰੋਜੈਕਟਾਂ ਦਾ ਉਦਘਾਟਨ ਅਤੇ ਨੀਂਹ ਪੱਥਰ ਰੱਖਣਗੇ। ਪੀਐਮ ਮੋਦੀ ਦਾ ਸਵਾਗਤ ਕਰਨ ਲਈ ਸੜਕ ਦੇ ਦੋਵੇਂ ਪਾਸੇ ਵੱਡੀ ਗਿਣਤੀ 'ਚ ਲੋਕ ਖੜ੍ਹੇ ਨਜ਼ਰ ਆਏ। ਉਹ ਰਾਜਕੋਟ (ਗੁਜਰਾਜ), ਮੰਗਲਾਗਿਰੀ (ਆਂਧਰਾ ਪ੍ਰਦੇਸ਼), ਬਠਿੰਡਾ (ਪੰਜਾਬ), ਰਾਏਬਰੇਲੀ (ਉੱਤਰ ਪ੍ਰਦੇਸ਼), ਅਤੇ ਕਲਿਆਣੀ (ਪੱਛਮੀ ਬੰਗਾਲ) ਵਿਖੇ ਸਥਿਤ ਚਾਰ ਨਵੇਂ ਬਣੇ ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼ (ਏਮਜ਼) ਦਾ ਉਦਘਾਟਨ ਕਰਨਗੇ। ਉਹ ਰਾਜਕੋਟ ਵਿੱਚ ਇੱਕ ਜਨਤਕ ਸਮਾਗਮ ਵਿੱਚ ਇਨ੍ਹਾਂ ਅਦਾਰਿਆਂ ਦਾ ਉਦਘਾਟਨ ਕਰਨਗੇ।

ਦਵਾਰਕਾ ਵਿੱਚ ਇੱਕ ਸਮਾਗਮ ਵਿੱਚ, ਪ੍ਰਧਾਨ ਮੰਤਰੀ ਲਗਭਗ 980 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੇ ਓਖਾ ਮੁੱਖ ਭੂਮੀ ਅਤੇ ਬੇਤ ਦਵਾਰਕਾ ਟਾਪੂ ਨੂੰ ਜੋੜਨ ਵਾਲੇ 'ਸੁਦਰਸ਼ਨ ਸੇਤੂ' ਦਾ ਉਦਘਾਟਨ ਕਰਨਗੇ। ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ 2.32 ਕਿਲੋਮੀਟਰ ਲੰਬਾ ਕੇਬਲ ਸਟੇਡ ਬ੍ਰਿਜ ਦੇਸ਼ ਵਿੱਚ ਆਪਣੀ ਕਿਸਮ ਦਾ ਸਭ ਤੋਂ ਲੰਬਾ ਹੈ। ਮੋਦੀ ਵਾਡੀਨਾਰ 'ਚ ਪਾਈਪਲਾਈਨ ਪ੍ਰੋਜੈਕਟ ਦਾ ਉਦਘਾਟਨ ਵੀ ਕਰਨਗੇ।

ਮੋਦੀ ਨੇ ਦਸੰਬਰ 2020 ਵਿੱਚ ਡਿਜੀਟਲ ਮਾਧਿਅਮ ਰਾਹੀਂ ਰਾਜਕੋਟ ਏਮਜ਼ ਦਾ ਨੀਂਹ ਪੱਥਰ ਰੱਖਿਆ ਸੀ। ਪਟੇਲ ਨੇ ਕਿਹਾ, “201 ਏਕੜ ਵਿੱਚ ਫੈਲਿਆ, ਰਾਜਕੋਟ ਏਮਜ਼ 720 ਬਿਸਤਰਿਆਂ ਵਾਲਾ ਇੱਕ ਵਿਸ਼ਵ ਪੱਧਰੀ ਹਸਪਤਾਲ ਹੈ, ਜਿਸ ਵਿੱਚ ਆਈਸੀਯੂ ਅਤੇ ਸੁਪਰ-ਸਪੈਸ਼ਲਿਟੀ ਬੈੱਡ ਵੀ ਸ਼ਾਮਲ ਹਨ। 25 ਫਰਵਰੀ ਨੂੰ ਪ੍ਰਧਾਨ ਮੰਤਰੀ 23 ਆਪਰੇਸ਼ਨ ਥੀਏਟਰਾਂ, 30 ਬਿਸਤਰਿਆਂ ਵਾਲੇ ਆਯੂਸ਼ ਵਿੰਗ ਅਤੇ 250 ਬਿਸਤਰਿਆਂ ਵਾਲੇ ਆਈਪੀਡੀ ਦਾ ਉਦਘਾਟਨ ਕਰਨਗੇ।ਉਨ੍ਹਾਂ ਕਿਹਾ ਕਿ ਇਹ ਹਸਪਤਾਲ 1,195 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ ਅਤੇ ਹੁਣ ਤੱਕ ਲਗਭਗ 1.44 ਲੱਖ ਮਰੀਜ਼ ਇਸ ਦਾ ਲਾਭ ਲੈ ਚੁੱਕੇ ਹਨ। ਓਪੀਡੀ ਸੇਵਾ ਹਨ।