ਚੇਨੱਈ (ਵਿਕਰਮ ਸਹਿਜਪਾਲ) : ਸ਼ੇਨ ਵਾਟਸਨ ਦੇ ਸ਼ਾਨਦਾਰ ਅਰਧ ਸੈਂਕੜੇ ਦੇ ਦਮ 'ਤੇ ਚੇਨੱਈ ਸੁਪਰ ਕਿੰਗਜ਼ ਨੇ ਐਮਏ ਚਿੰਦਬਰਮ ਸਟੇਡਿਅਮ ਵਿਖੇ ਖੇਡੇ ਗਏ ਇੰਡੀਅਨ ਪ੍ਰੀਮਿਅਰ ਲੀਗ ਦੇ 12ਵੇਂ ਸੈਸ਼ਨ ਦੇ ਮੈਚ ਵਿੱਚ ਹੈਦਰਾਬਾਦ ਸਨਰਾਇਜ਼ਰਜ਼ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਲੀਗ ਦੇ ਪਲੇਆਫ਼ ਵਿੱਚ ਆਪਣਾ ਸਥਾਨ ਪੱਕਾ ਕਰ ਲਿਆ ਹੈ।

ਹੈਦਰਾਬਾਦ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 175 ਦੌੜਾਂ ਬਣਾਈਆਂ ਸਨ, ਚੇਨੱਈ ਨੇ 19.5 ਓਵਰਾਂ ਵਿੱਚ 4 ਵਿਕਟਾਂ ਦੇ ਨੁਕਸਾਨ ਨਾਲ ਪ੍ਰਾਪਤ ਕਰ ਲਿਆ।ਚੇਨੱਈ ਦੀ 11 ਮੈਚਾਂ ਵਿੱਚੋਂ ਇਹ 8ਵੀਂ ਜਿੱਤ ਹੈ ਅਤੇ ਹੁਣ ਉਹ 16 ਅੰਕਾਂ ਨਾਲ ਸੂਚੀ ਵਿੱਚ ਚੋਟੀ 'ਤੇ ਪਹੁੰਚਣ ਦੇ ਨਾਲ-ਨਾਲ ਪਲੇਆਫ਼ ਵਿੱਚ ਪਹੁੰਚ ਗਈ ਹੈ।