ਦੀਮਾ ਹਸਾਓ (ਨੇਹਾ): ਆਸਾਮ ਦੇ ਦੀਮਾ ਹਸਾਓ ਜ਼ਿਲੇ 'ਚ ਉਮਰਾਂਗਸੋ 'ਚ 300 ਫੁੱਟ ਡੂੰਘੀ ਕੋਲਾ ਖਾਨ 'ਚ ਪਿਛਲੇ 48 ਘੰਟਿਆਂ ਤੋਂ 9 ਮਜ਼ਦੂਰ ਫਸੇ ਹੋਏ ਹਨ। ਦਰਅਸਲ, 6 ਜਨਵਰੀ ਨੂੰ ਖਾਨ ਵਿੱਚ ਅਚਾਨਕ ਪਾਣੀ ਭਰ ਗਿਆ ਸੀ। ਮਜ਼ਦੂਰਾਂ ਨੂੰ ਬਚਾਉਣ ਲਈ ਫੌਜ ਤਾਇਨਾਤ ਕਰ ਦਿੱਤੀ ਗਈ ਹੈ। ਇਹ ਆਪਰੇਸ਼ਨ ਮੰਗਲਵਾਰ ਰਾਤ ਨੂੰ ਰੋਕ ਦਿੱਤਾ ਗਿਆ ਸੀ। ਸਵੇਰੇ ਮੁੜ ਤੋਂ ਬਚਾਅ ਕਾਰਜ ਸ਼ੁਰੂ ਹੋ ਗਿਆ ਹੈ। ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ, 3 ਕਿੱਲੋ, ਉਮਰਾਂਗਸੋ ਖੇਤਰ ਵਿੱਚ ਇੱਕ ਕੋਲੇ ਦੀ ਖਾਨ ਵਿੱਚ ਫਸੇ 9 ਲੋਕਾਂ ਨੂੰ ਬਚਾਉਣ ਲਈ ਸੋਮਵਾਰ - 6 ਜਨਵਰੀ ਨੂੰ ਭਾਰਤੀ ਸੈਨਾ, ਅਸਾਮ ਰਾਈਫਲਜ਼, ਐੱਨ.ਡੀ.ਆਰ.ਐੱਫ., ਐੱਸ.ਡੀ.ਆਰ.ਐੱਫ. ਦੀਆਂ ਟੀਮਾਂ ਅਤੇ ਹੋਰ ਏਜੰਸੀਆਂ ਦਾ ਸਾਂਝਾ ਬਚਾਅ ਅਭਿਆਨ ਮੁੜ ਸ਼ੁਰੂ ਕੀਤਾ ਗਿਆ ਹੈ।

ਇਕ ਮਾਈਨਰ, ਜਿਸ ਦਾ ਭਰਾ ਵੀ ਫਸਿਆ ਹੋਇਆ ਹੈ, ਨੇ ਦੱਸਿਆ, ਅਚਾਨਕ ਲੋਕ ਰੌਲਾ ਪਾਉਣ ਲੱਗੇ ਕਿ (ਖਾਨ ਵਿਚ) ਪਾਣੀ ਭਰ ਰਿਹਾ ਹੈ; 30-35 ਲੋਕ ਬਾਹਰ ਨਿਕਲੇ ਪਰ 15-16 ਲੋਕ ਅੰਦਰ ਫਸੇ ਹੋਏ ਸਨ। ਦੀਮਾ ਹਸਾਓ ਜ਼ਿਲ੍ਹੇ ਦੇ ਐਸਪੀ ਮਯੰਕ ਝਾਅ ਨੇ ਦੱਸਿਆ ਕਿ ਖਾਣ ਵਿੱਚ ਕਈ ਮਜ਼ਦੂਰਾਂ ਦੇ ਫਸੇ ਹੋਣ ਦਾ ਖ਼ਦਸ਼ਾ ਹੈ। ਚਸ਼ਮਦੀਦਾਂ ਦੇ ਬਿਆਨਾਂ ਅਨੁਸਾਰ ਅਚਾਨਕ ਪਾਣੀ ਆ ਗਿਆ, ਜਿਸ ਕਾਰਨ ਮਜ਼ਦੂਰ ਖੱਡ ਵਿੱਚੋਂ ਬਾਹਰ ਨਹੀਂ ਆ ਸਕੇ। ਐਮਰਜੈਂਸੀ ਰਿਸਪਾਂਸ ਟੀਮ, ਸਥਾਨਕ ਅਧਿਕਾਰੀਆਂ ਅਤੇ ਮਾਈਨਿੰਗ ਮਾਹਿਰਾਂ ਦੀਆਂ ਟੀਮਾਂ ਨਾਲ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਹਨ। ਖਾਨ ਵਿੱਚ ਫਸੇ ਮਜ਼ਦੂਰਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।