ਨੇਰੋਮਾਈਨ , 21 ਜਨਵਰੀ ( NRI MEDIA )

ਆਸਟਰੇਲੀਆ ਦੇ ਜੰਗਲਾਂ ਵਿਚ ਭਾਰੀ ਅੱਗ ਲੱਗਣ ਤੋਂ ਬਾਅਦ, ਹੁਣ ਨਿਉ ਸਾਉਥ ਵੇਲਜ਼ ਵਿਚ ਧੂੜ ਦੇ ਤੂਫਾਨ ਨੇ ਲੋਕਾਂ ਲਈ ਨਵੀਂ ਮੁਸੀਬਤਾਂ ਖੜ੍ਹੀਆਂ ਕੀਤੀਆਂ ਹਨ , ਆਸਟਰੇਲੀਆ ਦੇ ਨਿਉ ਸਾਉਥ ਵੇਲਜ਼ ਵਿਚ ਧੂੜ ਦੇ ਤੂਫਾਨ ਕਾਰਨ ਦਿਨ ਵੇਲੇ ਹਨੇਰਾ ਛਾ ਗਿਆ , ਇਸ ਦੀਆਂ ਕਈ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਗਈਆਂ ਹਨ , ਇਸ ਨੇ ਨਿਉ ਸਾਉਥ ਵੇਲਜ਼ ਦੇ ਆਸ ਪਾਸ ਦੇ ਸ਼ਹਿਰਾਂ ਵਿਚ ਧੂੜ ਦੇ ਤੂਫਾਨ ਵਾਲਾ ਮੌਸਮ ਬਣਾ ਦਿੱਤਾ |

ਧੂੜ ਦੇ ਤੂਫਾਨ ਨੇ ਨੇਰੋਮਾਈਨ ਸ਼ਹਿਰ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਤ ਕੀਤਾ ਹੈ , ਇਸ ਕਾਰਨ ਕਈ ਸ਼ਹਿਰਾਂ ਅਤੇ ਕਸਬਿਆਂ ਵਿਚ ਬਿਜਲੀ ਸਪਲਾਈ ਘੰਟਿਆਂ ਲਈ ਬੰਦ ਰਹੀ , ਉਥੇ ਮੌਸਮ ਵਿਗਿਆਨ ਬਿਉਰੋ ਦੇ ਅਨੁਸਾਰ ਮੱਧ ਪੂਰਬ ਵਿੱਚ ਧੂੜ ਦਾ ਤੂਫਾਨ ਵਧੇਰੇ ਪ੍ਰਭਾਵਸ਼ਾਲੀ ਰਿਹਾ , ਜਿਕਰਯੋਗ ਹੈ ਕਿ ਮੌਸਮ ਵਿਗਿਆਨ ਬਿਉਰੋ ਨੇ ਅੰਦਰੂਨੀ ਇਲਾਕਿਆਂ ਲਈ ਧੂੜ ਭਰੇ ਬੱਦਲਾਂ ਵਾਲੇ ਭਾਰੀ ਤੂਫਾਨ ਦੀ ਚਿਤਾਵਨੀ ਜਾਰੀ ਕੀਤੀ ਸੀ ਜਿਸ ਤੋਂ ਬਾਅਦ ਲੋਕ ਪਹਿਲਾਂ ਹੀ ਸੁਰੱਖਿਅਤ ਥਾਵਾਂ ਤੇ ਚਲੇ ਗਏ ਸਨ |

ਮੌਸਮ ਵਿਭਾਗ ਨੇ ਕਿਹਾ- ਪਾਰਕਸ ਸ਼ਹਿਰ ਵਿੱਚ ਹਵਾਵਾਂ ਦੀ ਗਤੀ 94 ਕਿਮੀ ਪ੍ਰਤੀ ਘੰਟਾ ਸੀ ਜਦੋਂ ਕਿ ਡੱਬੋ ਸ਼ਹਿਰ ਵਿੱਚ 107 ਕਿਲੋਮੀਟਰ ਪ੍ਰਤੀ ਘੰਟਾ ਰਿਕਾਰਡ ਕੀਤਾ ਗਿਆ। ਮੌਸਮ ਵਿਗਿਆਨੀ ਰੋਜ਼ ਬਾਰ ਨੇ ਕਿਹਾ ਕਿ ਨਿਉ ਸਾਉਥ ਵੇਲਜ਼ ਦੇ ਕੇਂਦਰੀ, ਉੱਤਰੀ ਅਤੇ ਪੂਰਬੀ ਹਿੱਸਿਆਂ ਵਿੱਚ ਵੀ ਐਤਵਾਰ ਨੂੰ ਬਾਰਸ਼ ਹੋਈ ਸੀ ।