ਲੰਡਨ ਡੈਸਕ (ਵਿਕਰਮ ਸਹਿਜਪਾਲ) : ਕ੍ਰਿਕਟ ਵਰਲਡ ਕੱਪ ਦੌਰਾਨ ਬਲੂਚਿਸਤਾਨ ਦਾ ਮਾਮਲਾ ਵੀ ਗੂੰਜਿਆ ਹੈ। ਸ਼ਨੀਵਾਰ ਨੂੰ ਲੀਡਸ ਵਿਚ ਪਾਕਿਸਤਾਨ-ਅਫਗਾਨਿਸਤਾਨ ਮੈਚ ਦੌਰਾਨ ਦੋਵੇਂ ਦੇਸ਼ ਦੇ ਪ੍ਰਸ਼ੰਸਕ ਆਪਸ 'ਚ ਭਿੜ ਗਏ। ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਮਰਥਨ ਕਰਨ 'ਚ ਆਏ ਲੋਕ ਮੈਦਾਨ ਦੇ ਆਲੇ-ਦੁਆਲੇ ਉੱਡ ਰਹੇ ਜਹਾਜ਼ ਨੂੰ ਦੇਖ ਕੇ ਗੁੱਸਾ ਸੀ, ਜਿਸ 'ਤੇ ਬਲੂਚਿਸਤਾਨ ਲਈ ਇਨਸਾਫ ਵਾਲਾ ਬੈਨਰ ਲੱਗਾ ਸੀ।

ਪੁਲਿਸ ਨੇ ਮਾਮਲਾ ਸੰਭਾਲਿਆ ਅਤੇ ਕਿਹਾ ਕਿ ਇਸ ਹਾਦਸੇ ਦੀ ਜਾਂਚ ਚਲ ਰਹੀ ਹੈ। ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਪਾਕਿਸਤਾਨ ਦੇ ਮੈਚ ਦੌਰਾਨ ਇੰਗਲੈਂਡ ਵਿਚ ਬਲੂਚਿਸਤਾਨ ਦੀ ਆਜ਼ਾਦੀ ਦੇ ਨਾਅਰੇ ਲੱਗੇ ਹਨ। ਇਸ ਤੋਂ ਪਹਿਲਾਂ ਵੀ ਮੈਦਾਨ ਦੇ ਬਾਅਦ ਕੁਝ ਪੋਸਟਰ ਦੇਖ ਕੇ ਪਾਕਿਸਤਾਨੀ ਸਮਰਥਕ ਭੜਕ ਗਏ ਸੀ।