ਸਾਂਬਾ (ਨੇਹਾ): ਸਾਂਬਾ ਜ਼ਿਲੇ ਦੀ ਤਹਿਸੀਲ ਵਿਜੇਪੁਰ ਦੀ ਰੱਖ ਬੜੋਤੀਆ ਬਸਤੀ ਇਲਾਕੇ 'ਚ ਅੱਗਜ਼ਨੀ ਦੀ ਭਿਆਨਕ ਘਟਨਾ ਸਾਹਮਣੇ ਆਈ ਹੈ। ਦੱਸ ਦੇਈਏ ਕਿ ਇਸ ਘਟਨਾ ਵਿੱਚ ਸੈਂਕੜੇ ਭੇਡਾਂ ਸੜ ਕੇ ਮਰ ਗਈਆਂ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਤੜਕੇ ਕਰੀਬ 3:30 ਵਜੇ ਸਥਾਨਕ ਵਾਸੀ ਸ਼ਾਪੀਆਂ ਪੁੱਤਰ ਜਮਾਲ ਦੀਨ ਦੇ ਭੇਡਾਂ ਦੇ ਸ਼ੈੱਡ ਵਿੱਚ ਅਚਾਨਕ ਅੱਗ ਲੱਗ ਗਈ।

ਇਸ ਹਾਦਸੇ 'ਚ ਕਰੀਬ 100-120 ਭੇਡਾਂ ਸੜ ਕੇ ਸੁਆਹ ਹੋ ਗਈਆਂ, ਇਸ ਘਟਨਾ 'ਚ 7 ਦੇ ਕਰੀਬ ਭੇਡਾਂ ਵੀ ਜ਼ਖਮੀ ਹੋ ਗਈਆਂ, ਜਿਨ੍ਹਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ, ਇਸ ਤੋਂ ਇਲਾਵਾ ਉਨ੍ਹਾਂ ਦਾ ਸਾਰਾ ਸਮਾਨ ਵੀ ਅੱਗ 'ਚ ਸੜ ਕੇ ਸੁਆਹ ਹੋ ਗਿਆ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਹੈ ਕਿ ਇਸ ਘਟਨਾ 'ਚ ਕੋਈ ਵੀ ਮਨੁੱਖੀ ਜਾਨ ਨਹੀਂ ਗਈ। ਅੱਗ ਲੱਗਣ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ ਅਤੇ ਸਥਾਨਕ ਲੋਕਾਂ ਅਤੇ ਪੁਲਸ ਦੀ ਮਦਦ ਨਾਲ ਅੱਗ 'ਤੇ ਕਾਬੂ ਪਾਇਆ ਗਿਆ।