ਪੱਤਰ ਪ੍ਰੇਰਕ : ਪੀਣ ਵਾਲੇ ਪਾਣੀ ਨੂੰ ਲੈ ਕੇ ਚੰਡੀਗੜ੍ਹ ਵਾਸੀਆਂ ਲਈ ਅਹਿਮ ਖਬਰ ਹੈ। ਦਰਅਸਲ 14-15 ਦਸੰਬਰ ਨੂੰ ਘੱਟ ਪ੍ਰੈਸ਼ਰ 'ਤੇ ਪੀਣ ਵਾਲੇ ਪਾਣੀ ਦੀ ਸਪਲਾਈ ਕੀਤੀ ਜਾਵੇਗੀ। ਜਾਣਕਾਰੀ ਅਨੁਸਾਰ ਕਜੌਲੀ ਦੇ ਵਾਟਰ ਵਰਕਸ ਵਿੱਚ ਫੇਜ਼-6 ਦਾ ਫਲੋ ਮੀਟਰ ਨਗਰ ਨਿਗਮ ਵੱਲੋਂ ਬਦਲਿਆ ਜਾਣਾ ਹੈ।

ਇਸ ਤੋਂ ਇਲਾਵਾ ਸੈਕਟਰ-39 ਦੇ ਵਾਟਰ ਵਰਕਸ ਵਿੱਚ ਵੀ ਕੰਮ ਚੱਲ ਰਿਹਾ ਹੈ। ਇਸ ਲਈ 14 ਦਸੰਬਰ ਦੀ ਸਵੇਰ ਨੂੰ ਪਾਣੀ ਦੀ ਸਪਲਾਈ ਆਮ ਵਾਂਗ ਰਹੇਗੀ ਪਰ ਸ਼ਾਮ ਨੂੰ 6 ਤੋਂ 8 ਵਜੇ ਤੱਕ ਘੱਟ ਪ੍ਰੈਸ਼ਰ ਨਾਲ ਪਾਣੀ ਦੀ ਸਪਲਾਈ ਹੋਵੇਗੀ। ਇਸ ਦੇ ਨਾਲ ਹੀ 15 ਦਸੰਬਰ ਨੂੰ ਸਵੇਰੇ 3.30 ਤੋਂ 8.30 ਵਜੇ ਤੱਕ ਪਾਣੀ ਦੀ ਸਪਲਾਈ ਹੋਵੇਗੀ, ਜਦੋਂ ਕਿ ਪਾਣੀ ਸ਼ਾਮ 6 ਤੋਂ 8 ਵਜੇ ਤੱਕ ਹੀ ਆਵੇਗਾ।