ਪੱਤਰ ਪ੍ਰੇਰਕ : ਚੱਕਰਵਾਤੀ ਤੂਫਾਨ 'ਮਿਗਜੋਮ' ਕਾਰਨ ਤਾਮਿਲਨਾਡੂ ਵਿੱਚ ਭਾਰੀ ਬਾਰਸ਼ ਦੇ ਵਿਚਕਾਰ, ਚੇਨਈ ਤੋਂ 33 ਉਡਾਣਾਂ ਨੂੰ ਸੋਮਵਾਰ ਨੂੰ ਇੱਥੇ ਕੇਮਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ (ਕੇਆਈਏ) ਵੱਲ ਮੋੜ ਦਿੱਤਾ ਗਿਆ।

ਬੈਂਗਲੁਰੂ ਇੰਟਰਨੈਸ਼ਨਲ ਏਅਰਪੋਰਟ ਲਿਮਿਟੇਡ (ਬੀਆਈਏਐਲ), ਜੋ ਕੇਆਈਏ ਦਾ ਸੰਚਾਲਨ ਕਰਦੀ ਹੈ, ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇੰਡੀਗੋ, ਸਪਾਈਸਜੈੱਟ, ਇਤਿਹਾਦ, ਲੁਫਥਾਂਸਾ ਅਤੇ ਗਲਫ ਏਅਰ ਦੀਆਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਨੂੰ ਚੇਨਈ ਤੋਂ ਬੈਂਗਲੁਰੂ ਵੱਲ ਮੋੜ ਦਿੱਤਾ ਗਿਆ ਹੈ। ਚੇਨਈ ਵਿੱਚ ਕਈ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਚੱਕਰਵਾਤੀ ਤੂਫਾਨ 'ਮਿਗਜੋਮ' ਦੇ ਤਾਮਿਲਨਾਡੂ ਤੱਟ ਦੇ ਨੇੜੇ ਪਹੁੰਚਣ ਕਾਰਨ ਚੇਨਈ ਦੇ ਕਈ ਹਿੱਸਿਆਂ 'ਚ ਭਾਰੀ ਮੀਂਹ ਪਿਆ। ਕਈ ਦਰੱਖਤ ਜੜ੍ਹੋਂ ਪੁੱਟੇ ਗਏ ਹਨ। ਕਾਂਚੀਪੁਰਮ ਵਿੱਚ ਵੀ ਭਾਰੀ ਮੀਂਹ ਪਿਆ। ਮੀਂਹ ਕਾਰਨ ਸੜਕਾਂ 'ਤੇ ਪਾਣੀ ਭਰ ਗਿਆ। ਚੇਨਈ ਦੇ ਜ਼ਿਆਦਾਤਰ ਹਿੱਸੇ ਪਾਣੀ ਦੀ ਮਾਰ ਹੇਠ ਹਨ, ਹੇਠਲੇ ਇਲਾਕਿਆਂ 'ਚ ਭਾਰੀ ਹੜ੍ਹ ਆ ਗਿਆ ਹੈ। ਚੱਕਰਵਾਤ ਕੱਲ ਦੁਪਹਿਰ ਨੇਲੋਰ ਅਤੇ ਮਛਲੀਪਟਨਮ ਵਿਚਕਾਰ ਟਕਰਾਉਣ ਦੀ ਸੰਭਾਵਨਾ ਹੈ। ਚੇਨਈ ਸ਼ਹਿਰ ਵਿੱਚ ਅੱਜ ਸਵੇਰੇ 5:30 ਵਜੇ ਤੱਕ 24 ਘੰਟਿਆਂ ਵਿੱਚ ਮੀਨਮਬੱਕਮ ਵਿੱਚ 196 ਮਿਲੀਮੀਟਰ ਅਤੇ ਨੁੰਗਮਬੱਕਮ ਵਿੱਚ 154.3 ਮਿਲੀਮੀਟਰ ਮੀਂਹ ਦਰਜ ਕੀਤਾ ਗਿਆ।