ਪੱਤਰ ਪ੍ਰੇਰਕ : ਆਈਸੀਸੀ ਵਿਸ਼ਵ ਕੱਪ 2023 ਹੁਣ ਅਜਿਹੇ ਬਿੰਦੂ 'ਤੇ ਪਹੁੰਚ ਗਿਆ ਹੈ ਜਿੱਥੇ ਕਿਸੇ ਵੀ ਟੀਮ ਦੀ ਹਾਰ ਸੈਮੀਫਾਈਨਲ ਤੋਂ ਬਾਹਰ ਹੋਣ ਦਾ ਰਾਹ ਪੱਧਰਾ ਕਰ ਸਕਦੀ ਹੈ। ਮੌਜੂਦਾ ਸਮੇਂ 'ਚ ਜੇਕਰ ਟੂਰਨਾਮੈਂਟ 'ਚ ਹੁਣ ਤੱਕ ਖੇਡੇ ਗਏ 27 ਮੈਚਾਂ ਦੇ ਨਤੀਜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਚੀਜ਼ਾਂ ਕਾਫੀ ਸਪੱਸ਼ਟ ਹੋ ਰਹੀਆਂ ਹਨ। ਇਹ ਵੀ ਕਾਫੀ ਹੱਦ ਤੱਕ ਸਪੱਸ਼ਟ ਹੋ ਰਿਹਾ ਹੈ ਕਿ ਕਿਹੜੀਆਂ ਟੀਮਾਂ ਸੈਮੀਫਾਈਨਲ 'ਚ ਪ੍ਰਵੇਸ਼ ਕਰ ਰਹੀਆਂ ਹਨ ਅਤੇ ਕਿਹੜੀਆਂ ਟੀਮਾਂ ਬਾਹਰ ਹੋ ਰਹੀਆਂ ਹਨ। ਟੂਰਨਾਮੈਂਟ ਦੇ 27ਵੇਂ ਮੈਚ 'ਚ ਆਸਟ੍ਰੇਲੀਆ ਨੇ ਨਿਊਜ਼ੀਲੈਂਡ 'ਤੇ 5 ਦੌੜਾਂ ਨਾਲ ਰੋਮਾਂਚਕ ਜਿੱਤ ਦਰਜ ਕੀਤੀ।

ਇਸ ਨਾਲ ਉਸ ਨੇ ਸੈਮੀਫਾਈਨਲ ਲਈ ਰਾਹ ਖੋਲ੍ਹ ਦਿੱਤਾ ਹੈ। ਹਾਲਾਂਕਿ ਕੰਗਾਰੂ ਟੀਮ ਪਹਿਲੇ 2 ਮੈਚ ਹਾਰ ਗਈ ਸੀ। ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਵਾਪਸੀ ਨਹੀਂ ਕਰ ਸਕੇਗਾ ਪਰ ਉਸ ਨੇ ਆਪਣੀ ਤਾਕਤ ਦਿਖਾਉਂਦੇ ਹੋਏ ਹੁਣ 6 ਮੈਚਾਂ 'ਚ 4 ਜਿੱਤਾਂ ਨਾਲ ਅੰਕ ਸੂਚੀ 'ਚ ਚੌਥਾ ਸਥਾਨ ਹਾਸਲ ਕਰ ਲਿਆ ਹੈ।

6 ਟੀਮਾਂ ਉਤੇ ਲਟਕੀ ਤਲਵਾਰ : ਲਗਭਗ 6 ਟੀਮਾਂ ਖਿਤਾਬ ਜਿੱਤਣ ਦੀ ਦੌੜ ਤੋਂ ਬਾਹਰ ਹੁੰਦੀਆਂ ਨਜ਼ਰ ਆ ਰਹੀਆਂ ਹਨ। ਉਹ ਹਨ- ਪਾਕਿਸਤਾਨ, ਅਫਗਾਨਿਸਤਾਨ, ਨੀਦਰਲੈਂਡ, ਸ਼੍ਰੀਲੰਕਾ, ਇੰਗਲੈਂਡ ਅਤੇ ਬੰਗਲਾਦੇਸ਼। ਇਹ ਟੀਮਾਂ ਸੈਮੀਫਾਈਨਲ ਵਿੱਚ ਪਹੁੰਚਣ ਲਈ ਸਖ਼ਤ ਸੰਘਰਸ਼ ਕਰਦੀਆਂ ਨਜ਼ਰ ਆ ਰਹੀਆਂ ਹਨ। ਪਾਕਿਸਤਾਨ ਨੇ 6 'ਚੋਂ ਸਿਰਫ 2 ਮੈਚ ਜਿੱਤੇ ਹਨ। ਉਸ ਦੇ ਅਜੇ ਸਿਰਫ 3 ਮੈਚ ਬਾਕੀ ਹਨ। ਜੇਕਰ ਉਹ ਇਸ 'ਚ 1 ਮੈਚ ਵੀ ਹਾਰ ਜਾਂਦੀ ਹੈ ਤਾਂ ਉਹ ਬਾਹਰ ਹੋ ਜਾਵੇਗੀ।

ਨੀਦਰਲੈਂਡ 5 ਮੈਚਾਂ 'ਚੋਂ ਸਿਰਫ 1 ਮੈਚ ਹੀ ਜਿੱਤ ਸਕਿਆ ਹੈ। ਬਾਕੀ ਬਚੇ 4 ਮੈਚਾਂ 'ਚੋਂ 4 ਜਿੱਤਣਾ ਉਸ ਲਈ ਆਸਾਨ ਨਹੀਂ ਹੈ। ਅਜਿਹਾ ਹੀ ਹਾਲ ਸ੍ਰੀਲੰਕਾ ਦਾ ਹੈ, ਜਿਸ ਨੇ ਅਜੇ ਇੰਗਲੈਂਡ, ਭਾਰਤ ਅਤੇ ਨਿਊਜ਼ੀਲੈਂਡ ਵਰਗੀਆਂ ਵੱਡੀਆਂ ਟੀਮਾਂ ਵਿਰੁੱਧ ਆਪਣੇ ਮੈਚ ਖੇਡੇ ਹਨ।

ਇਨ੍ਹਾਂ 4 ਟੀਮਾਂ ਵਿਚਕਾਰ ਹੋ ਸਕਦੈ ਮੁਕਾਬਲਾ : ਜੇਕਰ ਸੈਮੀਫਾਈਨਲ 'ਚ ਜਾਣ ਵਾਲੀਆਂ ਚਾਰ ਟੀਮਾਂ ਦੀ ਗੱਲ ਕਰੀਏ ਤਾਂ ਟੀਮ ਇੰਡੀਆ ਦਾ ਨਾਂ ਸਭ ਤੋਂ ਪਹਿਲਾਂ ਆਉਂਦਾ ਹੈ। ਭਾਰਤੀ ਟੀਮ ਲਗਾਤਾਰ 5 ਜਿੱਤਾਂ ਨਾਲ ਅੰਕ ਸੂਚੀ 'ਚ ਦੂਜੇ ਸਥਾਨ 'ਤੇ ਹੈ। ਪਹਿਲੇ ਸਥਾਨ 'ਤੇ ਦੱਖਣੀ ਅਫਰੀਕਾ ਹੈ, ਜਿਸ ਨੇ ਆਪਣੇ 6 ਮੈਚਾਂ 'ਚੋਂ ਸਿਰਫ 1 ਹਾਰਿਆ ਹੈ। ਇਸ ਦੇ ਨਾਲ ਹੀ ਨਿਊਜ਼ੀਲੈਂਡ ਵੀ 6 ਮੈਚਾਂ 'ਚ 4 ਜਿੱਤਾਂ ਨਾਲ ਤੀਜੇ ਸਥਾਨ 'ਤੇ ਹੈ, ਜਦਕਿ ਆਸਟ੍ਰੇਲੀਆ 6 ਮੈਚਾਂ 'ਚ 2 ਜਿੱਤਾਂ ਨਾਲ ਸੈਮੀਫਾਈਨਲ 'ਚ ਜਗ੍ਹਾ ਬਣਾ ਰਿਹਾ ਹੈ। ਜੇਕਰ ਆਸਟ੍ਰੇਲੀਆ ਆਪਣੇ ਬਾਕੀ 3 ਮੈਚਾਂ 'ਚੋਂ 2 ਵੀ ਜਿੱਤ ਲੈਂਦਾ ਹੈ ਤਾਂ ਉਸ ਦਾ ਸਥਾਨ ਪੱਕਾ ਹੋ ਜਾਵੇਗਾ। ਅਜਿਹਾ ਇਸ ਲਈ ਵੀ ਸੰਭਵ ਜਾਪਦਾ ਹੈ ਕਿਉਂਕਿ ਇਸ ਨੂੰ ਅਫਗਾਨਿਸਤਾਨ ਅਤੇ ਬੰਗਲਾਦੇਸ਼ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ।