ਧੌਲਪੁਰ (ਨੇਹਾ): ਰਾਜਸਥਾਨ ਦੇ ਧੌਲਪੁਰ ਜ਼ਿਲੇ ਦੇ ਬਾਰੀ ਸਦਰ ਥਾਣਾ ਖੇਤਰ 'ਚ ਸ਼ਨੀਵਾਰ ਰਾਤ ਕਰੀਬ 11 ਵਜੇ ਇਕ ਸਲੀਪਰ ਕੋਚ ਬੱਸ ਨੇ ਇਕ ਟੈਂਪੂ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ 12 ਲੋਕਾਂ ਦੀ ਮੌਤ ਹੋ ਗਈ। ਇਸ ਹਾਦਸੇ ਵਿੱਚ ਮਰਨ ਵਾਲਿਆਂ ਵਿੱਚ 8 ਬੱਚੇ ਵੀ ਸ਼ਾਮਲ ਹਨ। ਜਾਣਕਾਰੀ ਅਨੁਸਾਰ ਬਾਰੀ ਸ਼ਹਿਰ ਦੇ ਰਹਿਣ ਵਾਲੇ ਇੱਕ ਪਰਿਵਾਰ ਦੇ 11 ਮੈਂਬਰ ਕਿਸੇ ਰਿਸ਼ਤੇਦਾਰ ਦੇ ਘਰ ਭਾਟ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਲਈ ਜਾ ਰਹੇ ਸਨ। ਪਰਿਵਾਰ ਦੇ ਸਾਰੇ ਮੈਂਬਰ ਟੈਂਪੂ 'ਤੇ ਜਾ ਰਹੇ ਸਨ ਕਿ ਸੁਨੀਪੁਰ ਪਿੰਡ ਨੇੜੇ ਸਲੀਪਰ ਕੋਚ ਨਾਲ ਟਕਰਾ ਗਿਆ, ਪੁਲਸ ਨੇ ਹਾਦਸੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਬਾਰੀ ਕੋਤਵਾਲੀ ਥਾਣਾ ਇੰਚਾਰਜ ਸ਼ਿਵ ਲਹਿਰੀ ਮੀਨਾ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਮੋਰਚਰੀ 'ਚ ਰਖਵਾਇਆ ਗਿਆ ਹੈ ਅਤੇ ਅੱਜ ਉਨ੍ਹਾਂ ਦਾ ਪੋਸਟਮਾਰਟਮ ਕੀਤਾ ਜਾਵੇਗਾ।

ਹਾਦਸੇ ਵਿੱਚ ਸ਼ਾਮਲ ਦੋਵੇਂ ਵਾਹਨਾਂ ਨੂੰ ਪੁਲੀਸ ਨੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਇਸ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਹਾਦਸੇ ਵਿੱਚ 13 ਸਾਲਾ ਆਸਮਾ ਪੁੱਤਰੀ ਬੰਟੀ, 35 ਸਾਲਾ ਬੰਟੀ ਪੁੱਤਰ ਗੱਫੋ, 7 ਸਾਲਾ ਸਲਮਾਨ ਪੁੱਤਰ ਬੰਟੀ, 5 ਸਾਲਾ ਸਾਕਿਰ ਪੁੱਤਰ ਬੰਟੀ, 9 ਸਾਲਾ ਦਾਨਿਸ਼ ਪੁੱਤਰ ਜ਼ਹੀਰ, 5 ਸਾਲਾ ਆਸਿਮ ਪੁੱਤਰ, 30 ਸਾਲਾ ਜ਼ਰੀਨਾ ਪਤਨੀ ਨਹਨੂੰ, 10 ਸਾਲਾ ਆਸ਼ਿਆਨਾ ਪੁੱਤਰੀ ਨਹਨੂੰ, 8 ਸਾਲਾ ਸੁੱਖੀ ਪੁੱਤਰੀ ਨਹਨੂੰ ਅਤੇ 9 ਸਾਲਾ ਸਾਨੀਜ ਪੁੱਤਰ ਨਹਨੂੰ ਦੀ ਮੌਤ ਹੋ ਗਈ। ਜ਼ਖਮੀਆਂ 'ਚੋਂ ਜਿਨ੍ਹਾਂ ਨੂੰ ਜ਼ਿਲਾ ਹਸਪਤਾਲ 'ਚ ਰੈਫਰ ਕੀਤਾ ਗਿਆ, ਉਨ੍ਹਾਂ 'ਚੋਂ 34 ਸਾਲਾ ਔਰਤ ਜੂਲੀ ਦੀ ਰਸਤੇ 'ਚ ਹੀ ਮੌਤ ਹੋ ਗਈ। ਮਰਨ ਵਾਲਿਆਂ ਵਿੱਚ ਇੱਕ ਹੋਰ ਵਿਅਕਤੀ ਵੀ ਸ਼ਾਮਲ ਹੈ।